You are beautiful and amazing, and I consider it my duty to make sure you never forget it, my love. The moment I believed that love exists was the moment you came into my life. And for that reason alone, my heart belongs to you, now and forever.
(2). Having someone like you in my life is a real gift. You’re just a fantastic girl. I’m so lucky to have you as my girl. I didn’t just get a good one, but I got the best.
You are beautiful and amazing, and I consider it my duty to make sure you never forget it, my love. The moment I believed that love exists was the moment you came into my life. And for that reason alone, my heart belongs to you, now and forever.
(2). Having someone like you in my life is a real gift. You’re just a fantastic girl. I’m so lucky to have you as my girl. I didn’t just get a good one, but I got the best.
You are beautiful and amazing, and I consider it my duty to make sure you never forget it, my love. The moment I believed that love exists was the moment you came into my life. And for that reason alone, my heart belongs to you, now and forever.
(2). Having someone like you in my life is a real gift. You’re just a fantastic girl. I’m so lucky to have you as my girl. I didn’t just get a good one, but I got the best.
Filin Gyara Kayanka kamar yadda aka saba zai zo da misalin karfe 8:30pm na yammacin yau. Kafin zuwan lokacin ga labarin da za a nazarta don tattaunawa akai.
MUTUWATA: GAJEREN LABARI
Farkon Labari
Na gama fidda rai da tsammani ga samun rabo, na kuma sallamar cewa ba na daga jerin mutanen da za su yi gamo da katari na samun dace. Ban san ya ake yi ko kuma ya al'amarin yake faruwa ba illa dai kawai a ƙarshe na kan tsinci kaina tsamo-tsamo a hali na aikata laifi ko alfasha.
Kawo yanzu da na ba wa shekaru tamanin baya, ni Baba Adamu ban san yawan laifukan da na aikata ba daga zamanin da nake tashen samarta zuwa yanzu da nake kwance bisa gado na jinyar ajali, bayan da komai da na mallaka ya ƙare a wajen neman maganin cututtukan da suka yi sanadin kwanciyata har na kasance a cikin wannan hali na jinya, tun daga kan cutar dajin dana haɗu da ita a dalilin yawan shan sigari, hawan jini bisa rasa dukiya ta, cuta mai karya garkuwar jiki da na kwaso a yawon sharholiya ta da karuwai, ga ciwon ƙoda da yoyon fitsari, ban da ciwon suga da shi ma likitoci suka ce ina ɗauke da su.
Ina cikin wannan hali ne kwatsam sai ga Malam Muhammadu liman ya shigo duba lafiyata shi ne kuma kaɗai ya waiwaye ni tun bayan da na kwanta wannan jinya. Ya kuwa tarar da ni ina ta sharɓar kuka.
"Ka kwantar da hankalin ka Baba Adamu, ita cuta ai ba mutuwa ba ce, bugu da ƙari duk wanda ka ga ya kwanta jinya to Allah ne yaso shi da rahama saboda ita jinya tana kankare zunuban da mutum ya aikata ne a baya" inji liman.
Bakina na motsa daƙyar cikin jin raɗaɗin zafin ciwon dake ratsa ni nace, "Gafarta Malam...ni da na shafe tsawon rayuwa ta wajen aikata manyan laifuka ga Ubangiji ta ya ma zan kawowa kaina zaton samun rahama da har zan ɗauki wannan ciwo a irin matsayin da ka ambata...ai kawai azaba ta ce aka fara yi mani tun daga nan duniya..."
"Sam kada ka furta haka" Liman ya katse ni, "kuskure ne babba fidda rai ga samun rahamar Ubangiji. Domin kuwa Allah da kansa yana son masu tuba bisa kuskuren da suka aikata masa. Yana da kyau ka sani cewa babu wani shamaki a tsakanin mutum da mahaliccinsa kamar yadda babu hijabi ga addu'ar wanda ya tuba bisa kuskurensa. Muddin ka yi nadama akan laifukan ka to ka nemi yafiyar Ubangiji shi kuma zai gafarta maka".
Da wannan jawabi na Malam Muhammadu na samu karfin gwiwa tare da jin wani sanyi ya ratsa zuciyata saboda fahimtar girman alaƙar dake tsakanin mutum da mahaliccinsa.
Istigifari na ci gaba da yi tare da zuba ido ina jiran ta inda *mutuwata* za ta sauko gare ni.
Karshen Labari
Shirin namu a wannan rana zai bada dama kamar yadda aka saba don yin sharhi, fashin baki, tsokaci, zakulo kurakurai, jefa tambayoyi ga marubucin labarin, gami da suka ko kalubalantar rubutun (criticism) amma kafin faruwar hakan, wannan karon za mu bi shirin ne daki-daki don gabatar da shirin a cikin tsari.
Da fari duk wanda yake da abin fada zai fara ne da daukar lamba, Wanda yake a farko shi ne zai fara gabatar da nazarinsa kan labarin kafin mai bi masa wato tsarin nan na first come, first serve.
1
2
3
4
5
Mutane biyar shirin namu zai ba wa damar yin sharhi. Bayan kowane sharhi kuma akwai damar/yiwuwar tafka muhawara kafin a bada dama a na gaba don ya turo na shi.
A karshe shirin na mu, zai kammala ne da kawo mana darasi na 04 a jerin darussan mu na koyon ka'idojin rubutu.
Kamar yadda muka yi alkawari cewa ayau ne za mu fitar da sakamakon gasar watan Fabairu mai jigo akan Damuwa/Kunci. Sunayen dake kasa su ne na jerin marubutan da suka taka rawar gani a gasar wancan wata tare da matakan su a gasar.
GWARAZA A BANGAREN GAJERUN LABARAI
1. Kamal Muhammad Lawal (1st position)
2. Rahma Ahmad Muhammad (2nd position)
3. Abba Umar Yhero (3rd position)
4. Mohammed Bala Garba (4th position)
5. Nasiru Kainuwa Hadejia (5th position)
6. Salmanu Faris Adamu (6th position)
7. Auwal Haruna (7th position)
GWARAZA A FANNIN RUBUTACCIYAR WAKA
1. Binyamin Zakari Hamisu (1st position)
2. Haruna Birniwa (2nd position)
3. Ibrahim Auwal Abubakar (3rd position)
■ Sanarwa kan jigon da za a rubuta labari na wannan wata da muke ciki zai kasance ranar Asabar mai zuwa wato 21/03/2020 kamar yadda aka saba. Sai dai a wannan karon ana bukatar kowa ya karanta ka'idojin shiga gasar da kyau, saboda akwai sabbin dokokin da ake bukatar kiyayewa kafin labarin da aka aiko ya kai ka shiga matakin tantancewa.
Kamar kowanne wata su ma zakarun wannan gasa za a sanya labaransu a kundin gajerun labarai na kungiyar tare da shirya liyafar karrama su a babban taron kungiyar mai zuwa.
Barka da zuwa gasar rubutun kirkira na POWA wadda take gudana a duk karshen wata.
Jigon gasar watan nan na Mayu shi ne TA'ADDANCI.
A karanta wannan jawabin da kuma dokokin gasar a nutse daga bisani kuma sai a rubuta gajeren labari, rubutacciyar waka ko wasan kwaikwayo akan jigon da aka ambata a sama.
Gwarzon da ya zo na daya za a ba shi takardar shaidar karramawa.
Mutum biyun da labaransu suka zo matakin na biyu da na uku za a basu takardar shaidar lambar yabo.
Sauran wadanda suka shiga gasar za a basu alama/shaidar samun damar fafatawa.
Za a zabi labarai uku mafi kayatarwa tare da taskace su don bugawa a littafin gajerun labarai na kungiyar wanda za a yi shi nan gaba.
************************************************
Tsari da Ka'idojin Shiga Gasa:
1. Rubutun zai iya zama gajeren labari, wasan kwaikwayo ko rubutacciyar waka.
2. Duk rubutun da aka shigar dole ya kasance mallakin wanda ya shiga gasar ne kuma ba a taba buga shi a wani wurin ba a baya.
3. Rubutun dole ya kasance a daya daga cikin wadannan harsunan (Hausa/Turanci)
4. Gajerun labarai dole yawan kalmomin su kai 1000 kuma kar su wuce 1500.
5. Rubutacciyar waka dole ta kai layuka 30 kuma kar ta wuce layuka 50.
6. Dukkan labaran su kasance an yi kokarin bin ka'idojin rubutu.
7. Da labari daya kowane mutum zai shiga gasar.
8. Za a tura labarin shiga gasar ta wannan adireshin na kibdau: powaexcos@gmail.com.
9. Akwai dokokin da za a gindayawa wadanda suka yi nasara. Dole sai an aminta da bin su kafin a aiko labari.
10. Idan ba a rubuta taken gasar ba a saman rubutun da aka aiko kamar haka: #POWA2020contest05 alkalai ba za su saurari labarin ba.
Ranar rufe shiga gasa: 31/03/2020, da misalin karfe 5 p.m.
Za a fadi sakamakon a ranar/kafin 11 ga watan Afirilu, 2020.
Allah ya bada sa'a.
